Þekkingarnet Þingeyinga er símenntunar-, háskólaþjónustu- og rannsóknastofnun. Starfssvæði Þekkingarnetsins er Þingeyjarsýslur en aðsetur þess er á Húsavík. Mannaðar starfsstöðvar eru einnig á Þórshöfn og i Mývatnssveit. Þekkingarnet Þingeyinga býður upp á náms- og starfsráðgjöf, námskeiðahald og hefur milligöngu um námsleiðir og fræðslu fyrir fólk og vinnustaði. Stofnunin rekur fjarnámssetur með þjónustu og vinnuaðstöðu fyrir háskólanema á svæðinu. Einnig er stofnunin miðstöð rannsókna og hýsir til lengri og skemmri tíma fólk, stofnanir og fyrirtæki sem stunda rannsóknir í héraðinu.